25 мая, Мінск /Кар. БЕЛТА/. У Азербайджане з 31 мая будзе адменены шэраг абмежаванняў, уведзеных у сувязі з распаўсюджваннем каранавіруснай інфекцыі ў краіне, паведамляе інфармагенцтва Trend.
У прыватнасці, з 31 мая адмяняецца патрабаванне аб нашэнні медыцынскіх масак на адкрытым паветры, аднаўляецца дзейнасць метрапалітэна ў Баку, а таксама аўтобусныя зносіны паміж раёнамі краіны.
З 10 чэрвеня ў Азербайджане плануецца аднавіць работу вялікіх гандлёвых цэнтраў, спартыўных залаў, адкрыць пляжы.
Аслабленне абмежавальных мер звязана са зніжэннем выпадкаў захворвання на каранавірус у краіне. У Азербайджане, паводле апошніх даных, каля 10 працэнтаў насельніцтва прайшлі ўжо вакцынацыю ад COVID-19.-0-
