7 верасня, Мінск /Кар. БЕЛТА/. Федэральны канцлер Аўстрыі Себасцьян Курц заявіў, што пандэмія COVID-19 у краіне аб'яўлена завершанай для вакцынаваных грамадзян, паведамляе тэлерадыёкампанія ORF.
Себасцьян Курц сказаў, што ў Аўстрыі больш не будзе каранавірусных абмежаванняў для тых, хто вакцынаваны. Цяпер абмежавальныя меры будуць прымяняцца толькі да тых, хто адмовіўся ад прышчэпкі.
"Час ізаляцыі павінен быць скончаны", - сказаў ён. Тым не менш канцлер нагадаў, што каранавірус нікуды не знік і, хутчэй за ўсё, застанецца з намі на доўгія гады. Паводле яго слоў, вакцынацыя - гэта лепшы адказ каранавіруснай інфекцыі.
Між тым Себасцьян Курц прадаўжае выступаць супраць абавязковай вакцынацыі насельніцтва.
Паводле апошніх даных амерыканскага Універсітэта Джонса Хопкінса, усяго ў Аўстрыі зроблены 10 526 954 прышчэпкі ад каранавіруса. Агульная колькасць заражаных COVID-19 у Аўстрыі - 697 510. Колькасць смяротных выпадкаў склала 10 801.-0-