16 сакавіка, Нур-Султан /БЕЛТА - КАЗІНФАРМ/. Прэзідэнт Казахстана Касым-Жамарт Такаеў прапанаваў перагледзець у краіне закон аб СМІ. Аб гэтым ён заявіў, выступаючы з пасланнем народу Казахстана.
"СМІ могуць і павінны ўзнімаць надзённыя праблемы. Але рабіць гэта трэба з вялікай грамадзянскай адказнасцю. Працаваць не па заказах звонку, садзейнічаючы палярызацыі нашага грамадства, і не за ценявыя ганарары, удзельнічаючы ў скрытай барацьбе палітычных кланаў. Журналісты павінны шчыра перажываць за сваю краіну і яе грамадзян. Нездарма ж СМІ называюць чацвёртай уладай. Менавіта таму вам трэба распараджацца сваім уплывам на розумы і сэрцы людзей з усёй асцярожнасцю", - заявіў Касым-Жамарт Такаеў.
У сувязі з гэтым Прэзідэнт Казахстана прапанаваў перагледзець закон аб СМІ. "Неабходна перагледзець закон аб сродках масавай інфармацыі з улікам інтарэсаў дзяржавы, запатрабаванняў грамадства і тэндэнцый развіцця медыясферы", - адзначыў Прэзідэнт Казахстана.-0-