20 кастрычніка, Мінск /Кар. БЕЛТА/. Урад Каралеўства Тайланд прыняў рашэнне аб новых правілах наведвання краіны замежнымі турыстамі. Аб гэтым карэспандэнту БЕЛТА паведамілі ў ганаровым консульстве Тайланда ў Беларусі.
"Спіс краін па ўзроўні перадачы каранавіруснай інфекцыі COVID-19 скасаваны, - расказалі ва ўстанове. - Цяпер Тайланд вітае гасцей і падарожнікаў з любой краіны свету. Аднак праходжанне каранціну пасля прыбыцця ў краіну ўсё яшчэ застаецца абавязковым. Умовы каранціну залежаць ад вакцынацыі турыстаў і ад катэгорыі атэля, які неабходна браніраваць для пражывання ў час каранціннага перыяду".
Так, поўнасцю вакцынаваныя турысты вакцынамі, якія ўваходзяць у спіс адобраных Сусветнай арганізацыяй аховы здароўя і Міністэрствам аховы здароўя Каралеўства Тайланд, і якія маюць адпаведныя сертыфікаты аб вакцынацыі, могуць наведваць некаторыя курорты краіны па праграмах "Пясочніц" - "Пясочніца Пхукета'' і "Самуі Плюс" - з улікам праходжання 7-дзённага каранціну ў атэлях катэгорыі SHA+ (маючых SHABA сертыфікат). У такім выпадку ўмовы каранціну наступныя: абавязковы начлег у атэлі, астатні час турысты могуць перамяшчацца па курорце па сваім жаданні.
Вакцыны Gam-СOVID-Vас ("Спадарожнік V") Расійскай Федэрацыі і SARS-Соv-2 Vассіnе (Vero Сell), Inactivated КНР уключаны ў названы спіс.
Невакцынаваныя або часткова вакцынаваныя турысты таксама могуць наведваць каралеўства з улікам праходжання 10-дзённага каранціну ў атэлях катэгорыі АSQ і АLQ. У такім выпадку ўмовы каранціну - абавязковае знаходжанне на працягу ўсяго перыяду каранціну практычна без магчымасці выходзіць з нумара з умовай атрымання ўсіх неабходных паслуг у нумары (харчаванне, медыцынскае абслугоўванне, здача ПЛР-тэстаў). Умовы знаходжання на каранціне залежаць ад выбранага атэля катэгорыі АSQ і АLQ.-0-
