28 кастрычніка, Мінск /Кар. БЕЛТА/. Кабінет Міністраў Тайланда прадоўжыў дзеянне ўказа аб надзвычайным становішчы, уведзеным з-за пандэміі каранавіруса, да 30 лістапада, паведамляе газета The Bangkok Post.
Указ аб надзвычайным становішчы, першапачаткова ўведзеным у краіне з 26 сакавіка па 30 красавіка, прадаўжаўся ўжо шэсць разоў. Хоць эпідэміялагічная сітуацыя ў Тайландзе не з'яўляецца крытычнай, рашэнне было прынята з-за цяжкага становішча з распаўсюджваннем каранавіруснай інфекцыі ў іншых рэгіёнах свету. А многія грамадзяне Тайланда да гэтага часу вяртаюцца ў краіну вывазнымі рэйсамі.
Паводле даных на 28 кастрычніка, у Тайландзе за ўвесь час пацверджана 3759 выпадкаў заражэння каранавіруснай інфекцыяй, выздаравеў 3561 чалавек, памерлі 59.-0-