2 лютага, Мінск /Кар. БЕЛТА/. Улады Кітая выявілі 32 новыя выпадкі заражэння каранавірусам сярод асоб, якія прыбылі на Алімпійскія гульні ў Пекіне. Аб гэтым гаворыцца ў апублікаванай заяве аргкамітэта, паведамляе ТАСС.
У аўторак, 1 лютага, у Кітай прыбылі 1759 чалавек, з іх 815 спартсменаў і афіцыйных асоб і 944 "прадстаўнікі іншых зацікаўленых бакоў". У выніку ПЛР-тэсціравання ў аэрапорце, а таксама ў атэлі Алімпійскай вёскі было выяўлена 32 новыя выпадкі заражэння: 9 - сярод атлетаў і афіцыйных асоб, 23 - сярод прадстаўнікоў зацікаўленых бакоў.
Алімпійскія гульні пройдуць у Пекіне з 4 па 20 лютага.-0-
