9 верасня, Мінск /Кар. БЕЛТА/. Выхад ЗША з Афганістана прывёў да новага крызісу, невядома, як сітуацыя ў гэтай краіне паўплывае на бяспеку ў рэгіёне і свеце. Аб гэтым заявіў Прэзідэнт Расіі Уладзімір Пуцін на анлайн-саміце БРІКС, паведамляе ТАСС.
"Выхад ЗША і іх саюзнікаў з Афганістана прывёў да новага крызісу, і па-ранейшаму застаецца невядомым, як гэта паўплывае на рэгіянальную і глабальную бяспеку", - адзначыў расійскі лідар.
Крызіс у Афганістане быў выкліканы безадказнымі спробамі ўкараніць у гэтай краіне звонку замежныя каштоўнасці, дадаў Прэзідэнт.
"Я не раз заяўляў аб тым, што новы віток крызісу ў Афганістане выкліканы безадказнымі спробамі ўстанавіць там замежныя каштоўнасці звонку і пабудаваць там так званыя дэмакратычныя структуры з дапамогай мадэлей і метадаў сацыяльнага і палітычнага будаўніцтва, якія ігнаруюць гістарычныя асаблівасці, а таксама традыцыі, якіх прытрымліваліся людзі", - сказаў Пуцін.-0-