13 снежня, Мінск /Кар. БЕЛТА/. Скорасны пасажырскі поезд у Анкары ўрэзаўся ў надземны пешаходны пераход, у выніку аварыі 4 чалавекі загінулі, больш за 40 атрымалі раненні. Аб гэтым паведамляе турэцкае інфармацыйнае агенцтва Anadolu.
Пасля сутыкнення з пешаходным пераходам на станцыі Маршандзіс у раёне Енімахале два вагоны сышлі з рэек і перавярнуліся. З-за ўдару частка надземнага пераходу абвалілася на вагоны. Паведамляецца аб вялікай колькасці параненых, якіх даставілі ў бальніцы. Многія пацярпелыя застаюцца заблакіраванымі пад абломкамі вагонаў.
Губернатар Анкары Васіп Шахін паведаміў, што ў выніку крушэння скораснага поезда загінулі чатыры чалавекі і паранены 43.
Прычыны крушэння расследуюцца.-0-
