10 снежня, Мінск /Кар. БЕЛТА/. Прынамсі 13 чалавек загінулі і 20 пацярпелі пры крушэнні аўтобуса, які перавозіў каманду баскетбалістаў, на захадзе Калумбіі, інфармуе Reuters.
Аварыя здарылася ў калумбійскім дэпартаменце Валье-дэль-Каўка. Паведамляецца, што ў салоне аўтобуса знаходзіліся ігракі мясцовай юнацкай аматарскай каманды па баскетболе.
Спецыялісты расследуюць прычыны здарэння. Сведкі аварыі адзначаюць, што незадоўга да катастрофы аўтобуса вадзіцель папярэдзіў аб праблемах з тармазамі.-0-
