23 сакавіка, Мінск /Кар. БЕЛТА/. Прэм'ер-міністр Даніі Метэ Фрэдэрыксен заявіла, што ўкраінскія бежанцы не павінны інтэгравацца ў дацкае грамадства, а вярнуцца на радзіму, як толькі з'явіцца магчымасць, і развіваць уласную краіну, паведамляюць РІА Навіны.
"Быць бежанцам - гэта часова, таму вы павінны вярнуцца і дапамагчы ў будаўніцтве сваёй радзімы, калі ў вас з'явіцца такая магчымасць. Гэта дазваляе нам дапамагаць іншым бежанцам", - прыводзіць словы прэм'ера дацкае радыё.
Раней дацкі парламент прыняў закон, які ўраўноўвае ў правах украінскіх бежанцаў з грамадзянамі Еўрасаюза, а таксама закон аб асаблівым парадку прадастаўлення пасведчання на права жыхарства для бежанцаў з Украіны.-0-
