30 сакавіка, Мінск /Кар. БЕЛТА/. Прадстаўлена афіцыйная эмблема зімовых Алімпійскіх гульняў 2026 года, якія пройдуць у Італіі, паведамляецца на сайце Olympic Channel.
Афіцыйнай эмблемай стаў лагатып Futura, які набраў 74 працэнты галасоў. Упершыню ў гісторыі Алімпійскіх гульняў эмблему вызначыла ўсенароднае галасаванне.
"Лагатып Futura, натхнёны тэмамі спорту, салідарнасці і ўстойлівага развіцця, дэманструе дынамічны і сучасны дызайн, які адлюстроўвае фундаментальныя каштоўнасці Алімпійскіх і Паралімпійскіх зімовых гульняў", - адзначыла старшыня каардынацыйнай камісіі МАК па Алімпійскіх гульнях-2026 Сары Эсая.
Гульні пройдуць у лютым 2026 года.-0-