31 сакавіка, Мінск /Кар. БЕЛТА/. Кампаніі Pfizer і BioNTech заявілі, што іх вакцына супраць COVID-19 на трэцім этапе клінічных выпрабаванняў паказала 100-працэнтную эфектыўнасць для падлеткаў ва ўзросце ад 12 да 15 гадоў, паведамляе CNN.
У выпрабаваннях прынялі ўдзел 2260 падлеткаў у ЗША. Даследаванні паказалі, што вакцына выклікала актыўную імунную рэакцыю, што перасягае тую, якая назіралася ў людзей ва ўзросце ад 16 да 25 гадоў. Пабочныя эфекты ў падлеткаў у цэлым адпавядалі тым, якія былі ў дарослых.
Генеральны дырэктар Pfizer Альберт Бурла сказаў, што кампанія плануе як мага хутчэй прадаставіць даныя даследаванняў спецыяльным рэгулюючым органам з надзеяй, што дзеці змогуць прайсці вакцынацыю да пачатку новага навучальнага года.
Прадстаўнікі органаў аховы здароўя і эксперты па інфекцыйных захворваннях адзначылі, што вакцынацыя дзяцей мае вырашальнае значэнне для спынення пандэміі.
Раней кампанія Pfizer аб'явіла аб пачатку клінічных выпрабаванняў вакцыны супраць COVID-19 на дзецях ва ўзросце ад 6 месяцаў да 11 гадоў.-0-
