ДЗЯРЖОРГАНЫДЗЯРЖОРГАНЫ
Флаг Субота, 22 студзеня 2022
Мінск Суцэльная воблачнасць -6°C
Усе навіны
Усе навіны
У свеце
05 лістапада 2021, 15:53

Павышаны ўзровень небяспекі з-за пагрозы птушынага грыпу аб'явілі ў Францыі

Фота з архіва
Фота з архіва

5 лістапада, Мінск /Кар. БЕЛТА/. Міністр сельскай гаспадаркі і харчавання Францыі Жульен Дэнармандзі аб'явіў аб павышэнні ўзроўню пагрозы ў сувязі з хуткім распаўсюджваннем птушынага грыпу ў Еўропе, паведамляе ТАСС.

"Развіццё эпізаотыі птушынага грыпу ў Еўропе вымушае нас цяпер павысіць узровень небяспекі і прыняць меры, якія неабходны, каб гарантаваць абарону нашай галіны", - заявіў Жульен Дэнармандзі.

У міністэрстве ўдакладняюць, што ў сувязі з павышанай рызыкай заражэння птушкі павінны знаходзіцца ў памяшканнях або пад сеткамі. Пры гэтым для птушак у заапарках, якіх нельга памясціць ва ўкрыцце, уводзіцца абавязковая вакцынацыя. Яшчэ адно абмежаванне датычыцца забароны на спаборніцтвы паштовых галубоў.

У ведамстве падкрэслілі: гэтыя меры павінны суправаджацца штодзённым маніторынгам стану птушак на ўсіх фермах.

Паводле даных ведамства, з пачатку жніўня 130 выпадкаў птушынага грыпу было зафіксавана ў дзікай прыродзе і на птушкафабрыках у Еўропе, асабліва на берагах Паўночнага і Балтыйскага мораў. Тры ачагі заражэння былі выяўлены ў дэпартаментах Францыі Ардэны і Эна.

Птушыны грып - вострая інфекцыйная вірусная хвароба, якая пашкоджвае органы стрававання, дыхання і прыводзіць да смерці птушак. Пераносчыкамі, як правіла, з'яўляюцца дзікія асобіны. Большасць штамаў гэтага захворвання, у тым ліку H5N8, для людзей не з'яўляюцца небяспечнымі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі