20 красавіка, Ерэван /БЕЛТА - АРМЕНПРЭС/. Прэм'ер-міністр Арменіі Нікол Пашынян пасля выхаду ў адстаўку застанецца выконваючым абавязкі кіраўніка Кабміна да правядзення датэрміновых парламенцкіх выбараў. Аб гэтым заявіў на брыфінгу прадстаўнік фракцыі "Мой крок" Арман Егаян.
Дэпутат фракцыі "Мой крок" нагадаў, што Нікол Пашынян раней заявіў, што пойдзе ў адстаўку ў апошнюю дэкаду красавіка. Аднак дакладная дата пакуль невядома.
Раней паведамлялася, што пасля палітычных кансультацый з прэзідэнтам Арменіі Арменам Саркісянам і лідарамі трох парламенцкіх фракцый Нікол Пашынян заявіў, што пазачарговыя парламенцкія выбары ў краіне пройдуць 20 чэрвеня.
Палітычныя эксперты лічаць асноўным канкурэнтам блока прэм'ер-міністра Арменіі другога прэзідэнта Роберта Качарана, які, нягледзячы на беспартыйнасць, будзе ўдзельнічаць на выбарах на чале блока партый.-0-
