24 сакавіка, Ерэван /БЕЛТА - АРМЕНПРЭС/. Парламент Арменіі ў ходзе пасяджэння, якое прайшло 24 сакавіка, прагаласаваў за адмену ваеннага становішча ў краіне.
Пасяджэнне аб адмене ваеннага становішча было ініцыявана апазіцыйнымі фракцыямі "Працвітаючая Арменія" і " Светлая Арменія". За адмену ваеннага становішча прагаласавалі 118 дэпутатаў, адзін устрымаўся і яшчэ адзін выказаўся супраць. Такім чынам рашэнне зацверджана.
27 верасня ўрад Арменіі ў сувязі з абвастрэннем сітуацыі ў Нагорным Карабаху ўвёў у краіне ваеннае становішча і аб'явіў усеагульную мабілізацыю рэзерву.-0-