16 сакавіка, Мінск /Кар. БЕЛТА/. Галоўнае ўпраўленне аховы здароўя Францыі паведаміла аб выяўленні ў рэгіёне Брэтань раней невядомага варыянта SARS-CoV2, паведамляе тэлеканал BFM TV.
Новы штам быў выяўлены ў бальніцы горада Ланьён. 13 сакавіка там было выяўлена 79 выпадкаў каранавіруса, у тым ліку восем выпадкаў з новай мутацыяй SARS-CoV2.
Медыкі адзначаюць, што пакуль рана рабіць нейкія высновы наконт новага штама. Цяпер праводзіцца ацэнка яго заразнасці, а таксама высвятляецца, наколькі новая мутацыя каранавіруса можа быць небяспечная для жыцця людзей.
З'яўленне варыянтаў віруса - натуральны працэс. Дзякуючы мутацыям вірус забяспечвае сваё выжыванне. На гэты момант асаблівую заклапочанасць выклікаюць тры варыянты SARS-CoV2, якія распаўсюдзіліся па свеце: брытанскі, паўднёваафрыканскі і бразільскі штамы.-0-