7 верасня, Мінск /Кар. БЕЛТА/. На гары Афон у Грэцыі ўспыхнуў маштабны пажар. Цяпер тушэннем агню займаюцца 4 самалёты з вадой і амаль 40 пажарных, паведамляе газета Ekathimerini.
Паводле існуючых даных, пажар пачаўся ў лясным масіве паблізу манастыра Святой Ганны. Яго тушэнню перашкаджаюць моцныя парывы ветру. Паводле слоў пажарных, месца, дзе бушуе агонь, аддаленае і цяжкадаступнае.-0-