3 мая, Мінск /Кар. БЕЛТА/. Кыргызстан і Таджыкістан завяршылі працэс адводу ад іх граніцы сваіх воінскіх падраздзяленняў. Аб гэтым паведамляе ТАСС са спасылкай на пагранічную службу Дзяржаўнага камітэта нацыянальнай бяспекі Кыргызстана.
"Бакі завяршылі адвод дадатковых сіл і сродкаў ад лініі дзяржаўнай граніцы ўглыб сваіх тэрыторый", - гаворыцца ў паведамленні.
Паводле даных пагранведамства, прадаўжаецца работа сумеснай камісіі, у склад якой уваходзяць прадстаўнікі міністэрстваў абароны дзвюх краін, па аглядзе тэрыторыі, на якой раней знаходзіліся воінскія падраздзяленні і ваенная тэхніка. Абстаноўка на граніцы і ў прылеглых да яе раёнах цяпер стабільная, за мінулую ноч інцыдэнты і перастрэлкі не зафіксаваны.
Раней дэлегацыі дзвюх краін правялі перагаворы ў горадзе Ісфара Сагдыйскай вобласці Таджыкістана, што мяжуе з Кыргызстанам, і выпусцілі сумесную заяву, у якой пацвердзілі намер спыніць узброены канфлікт. Заяву падпісалі старшыня Дзяржаўнага камітэта нацыянальнай бяспекі Таджыкістана Саймумін Ятымаў і паўнамоцны прадстаўнік урада Кыргызстана Амурбек Суваналіеў.
Сітуацыя на граніцы дзвюх дзяржаў у раёне водазабора "Галаўны", які кожны з бакоў лічыць сваёй тэрыторыяй, абвастрылася 28 красавіка, калі там узнік канфлікт паміж жыхарамі прыгранічных пасёлкаў дзвюх краін. 29 красавіка адбылося ўзброенае сутыкненне паміж ваеннаслужачымі Кыргызстана і Таджыкістана.-0-
