ДЗЯРЖОРГАНЫДЗЯРЖОРГАНЫ
Флаг Аўторак, 27 ліпеня 2021
Мінск Пераменная воблачнасць +21°C
Усе навіны
Усе навіны
У свеце
02 чэрвеня 2021, 11:36

Колькасць выпадкаў заражэння каранавірусам у свеце за тыдзень знізілася на 15 працэнтаў

Фота з архіва
Фота з архіва

2 чэрвеня, Мінск /Кар. БЕЛТА/. Больш за 3,5 млн выпадкаў заражэння каранавірусам і больш за 78 тыс. смяротных выпадкаў зарэгістравана на мінулым тыдні ў свеце. У параўнанні з папярэднімі сямю днямі захваральнасць знізілася на 15 працэнтаў, смяротнасць - на 7 працэнтаў, паведамляе ТАСС са спасылкай на Сусветную арганізацыю аховы здароўя.

"На працягу мінулага тыдня колькасць новых выпадкаў COVID-19 і смярцей прадоўжыла зніжацца: паступілі паведамленні аб больш як 3,5 млн заражаных і аб больш як 78 тыс. памерлых, што адпаведна на 15 працэнтаў і 7 працэнтаў менш у параўнанні з папярэднім тыднем", - адзначылі ў СААЗ у штотыднёвым эпідэміялагічным бюлетэні.

З 24 па 30 мая ў свеце было зарэгістравана 3 550 456 новых заражаных і 78 667 смяротных выпадкаў. Па стане на 30 мая ўсяго налічвалася 169 604 858 выпадкаў інфіцыравання і 3 530 837 выпадкаў смерці пацыентаў.

Захваральнасць вырасла на мінулым тыдні ў Афрыцы (на 22 працэнты) і Заходне-Ціхаакіянскім рэгіёне (на 6 працэнтаў), у той час як у Еўропе колькасць новых выпадкаў інфіцыравання знізілася на 26 працэнтаў, у Паўднёва-Усходняй Азіі - на 24 працэнты, у Паўночнай і Паўднёвай Амерыцы - на 2 працэнты, ва Усходнім Міжземнамор'і - на 1 працэнт. Смяротнасць вырасла ў Афрыцы (на 11 працэнтаў), але скарацілася ва Усходнім Міжземнамор'і (на 18 працэнтаў), Еўропе (на 17 працэнтаў), Паўднёва-Усходняй Азіі (на 8 працэнтаў), Заходне-Ціхаакіянскім рэгіёне (на 2 працэнты), Паўночнай і Паўднёвай Амерыцы (на 1 працэнт).

У Еўропе за сем дзён заразіліся больш за 430 тыс. чалавек і памерлі больш за 11 тыс. У Паўночнай і Паўднёвай Амерыцы зарэгістравана больш за 1,1 млн новых выпадкаў інфіцыравання і больш за 31 тыс. смяротных выпадкаў. У Паўднёва-Усходняй Азіі ўрачы выявілі больш за 1,5 млн заражаных, памерлі больш за 29 тыс. чалавек. У Індыі колькасць заражаных павялічылася за тыдзень больш як на 1,3 млн. Далей ідуць Бразілія (больш за 420 тыс. новых выпадкаў), Аргенціна (больш за 219 тыс.), ЗША (больш за 153 тыс.), Калумбія (больш за 150 тыс.), Іран (больш за 69 тыс.), Расія (больш за 61 тыс.), Францыя (больш за 60 тыс.) Турцыя (больш за 57 тыс.), Непал (больш за 47 тыс.), Чылі (больш за 46 тыс.) і Інданезія (больш за 39 тыс.).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі