30 студзеня, Мінск /Кар. БЕЛТА/. Колькасць заражаных пнеўманіяй, выкліканай каранавірусам 2019-nCoV, дасягнула 7711 чалавек. Колькасць загінулых узрасла да 170. Аб гэтым паведамляе ТАСС са спасылкай на заяву Дзяржаўнага камітэта па справах аховы здароўя КНР.
Як адзначаецца ў паведамленні, Дзяржаўны камітэт па справах аховы здароўя зафіксаваў 7711 пацверджаных выпадкаў захворвання, з якіх 1370 ацэньваюцца як цяжкія. Колькасць смяротных зыходаў дасягнула 170.
У Кітаі 29 студзеня ўдалося ўстанавіць 1737 новых выпадкаў заражэння каранавірусам і 38 смяротных зыходаў, з якіх 37 - у цэнтральнай кітайскай правінцыі Хубэй, дзе ўпершыню была ўстаноўлена ўспышка захворвання, адзін - у паўднёва-заходняй правінцыі Сычуань.
Улады КНР таксама пацвердзілі першы выпадак захворвання на пнеўманію ў Тыбецкім аўтаномным раёне - апошнім свабодным ад гэтага захворвання рэгіёне Кітая.-0-
