27 чэрвеня, Мінск /Кар. БЕЛТА/. Дзяржаўная інспекцыя ядзернага рэгулявання Украіны ў аднабаковым парадку анулявала міжнародныя дагаворы з Расіяй у сферы ядзернай бяспекі. Аб гэтым паведамляецца на сайце ведамства.
Адпаведны загад падпісаў выконваючы абавязкі старшыні - галоўнага дзяржаўнага інспектара па ядзернай і радыяцыйнай бяспецы Украіны Алег Корыкаў.
Адзначаецца, што Кіеў спыніў дзеянне пагаднення аб абмене інфармацыяй і супрацоўніцтве ў сферы рэгулявання бяспекі пры выкарыстанні ядзернай энергіі ў мірных мэтах, падпісанае 14 жніўня 2002 года ў Маскве.-0-
