18 студзеня, Нур-Султан /БЕЛТА - КАЗІНФАРМ/. Казахстанскімі судамі разгледжана 8354 адміністрацыйныя справы, звязаныя з беспарадкамі ў студзені. Аб гэтым заявіў старшы памочнік генеральнага пракурора Казахстана Азамат Саргазін.
"Усяго судамі разгледжана 8354 адміністрацыйныя справы, звязаныя з гэтымі падзеямі. Суды і пракуроры ўлічваюць змякчаючыя акалічнасці і раскаянне вінаватых асоб. 3337 правапарушальнікаў былі толькі папярэджаны без прымянення да іх спагнанняў у выглядзе арышту або штрафу. Па 1653 справах судом прыменены штраф, цяпер 1002 асобы знаходзяцца пад арыштам", - расказаў памочнік генпракурора.
Паводле яго слоў, у мэтах змякчэння назначанага судом пакарання пракурорамі ў апеляцыйную інстанцыю ўнесена 1758 хадайніцтваў. Цяпер па іх вызвалена ўжо 676 грамадзян, для 344 грамадзян штраф заменены на папярэджанне.
Азамат Саргазін таксама паведаміў, што па цяжкіх і асабліва цяжкіх злачынствах пачата 695 дасудовых расследаванняў, у тым ліку 44 - па актах тэрарызму, 15 - па забойствах, 6 спраў - па фактах прапаганды і закліках да захопу ўлады.-0-