28 мая, Мінск /Кар. БЕЛТА/. Амерыканская авіябудаўнічая карпарацыя Boeing аднавіла прыпыненую ў студзені вытворчасць лайнераў Boeing 737 MAX. Аб гэтым гаворыцца ў заяве кампаніі, паведамляе ТАСС.
Выпуск самалётаў зноў пачаты на прадпрыемстве ў Рэнтане (штат Вашынгтон). У Boeing адзначылі, што цяпер аб'ёмы вытворчасці нізкія, паколькі былі прыняты дадатковыя меры для забеспячэння бяспекі працы на рабочых месцах і павышэння якасці прадукцыі. На працягу года кампанія мае намер пачаць выпускаць больш самалётаў гэтага тыпу.
У мінулым годзе ў Boeing заявілі аб скарачэнні аб'ёмаў вытворчасці названых лайнераў. Са студзеня бягучага года яна была часова спынена.
Эксплуатацыя Boeing 737 MAX была прыпынена пасля дзвюх катастроф: у сакавіку 2019 года ў Эфіопіі, калі загінулі 157 чалавек, і ў кастрычніку 2018 года ў Інданезіі, калі ахвярамі трагедыі сталі 189 чалавек.
Кіраўніцтва кампаніі прызнала, што ў абодвух выпадках на борце паветраных суднаў перад тым, як яны разбіліся, меў месца збой у рабоце сістэмы паляпшэння характарыстык манеўранасці. Пасля гэтага многія краіны прыпынілі эксплуатацыю самалётаў гэтай серыі.-0-
