29 красавіка, Джакарта /БЕЛТА - Антара/. Прэзідэнт Інданезіі Джока Відода паведаміў аб намеры перанесці сталіцу краіны з Джакарты ў іншы горад.
Джока Відода падкрэсліў, што для пераносу сталіцы патрэбна дэталёвая падрыхтоўка з пункту гледжання выбару прыдатнага месцазнаходжання. Павінны быць улічаны многія фактары, такія як геапалітычны, геастратэгічны, а таксама інфраструктура мясцовасці.
Як паведаміў міністр планавання нацыянальнага развіцця Інданезіі Бамбанг Броджанегора, для будучай сталіцы краіны прапануецца выбраць горад у цэнтры Інданезіі, у раёне, ахаваным ад землетрасенняў, вулканаў, цунамі, паводкі і іншых стыхійных бедстваў. Пры выбары важна будзе ўлічыць і наяўнасць дастатковай колькасці запасаў чыстай пітной вады, адсутнасць забруджвання навакольнага асяроддзя, а таксама наяўнасць ліній электраперадачы і сетак сувязі, расказаў Бамбанг Броджанегора.-0-
