11 мая, Мінск /Кар. БЕЛТА/. Германія плануе замяніць расійскі звадкаваны газ катарскім, але перагаворы з эміратам зацягнуліся, паведамляе RT.
Паводле інфармацыі нямецкага тэлеканала N-TV, Катар настойвае на доўгатэрміновым кантракце як мінімум на 20 гадоў, аднак Германія плануе стаць кліматычна нейтральнай ужо да 2045 года.
Згодна з апошнім законам, прынятым Кабінетам міністраў краіны, энергетычны сектар павінен быць практычна свабодны ад выкідаў вуглякіслага газу ўжо ў 2035 годзе. Гэта азначае, што тады газ ужо нельга будзе выкарыстоўваць.
Раней міністр энергетыкі Катара Саад аль-Каабі заявіў, што хутка замяніць расійскі газ у Еўропе немагчыма. Ён дадаў, што Qatar Energy зможа пастаўляць значныя аб'ёмы на еўрапейскі рынак толькі з 2025 года.-0-
