20 студзеня, Мінск /Кар. БЕЛТА/. Нацыянальнае ўпраўленне дарожнай бяспекі ЗША (NHTSA) запатрабавала, каб кампанія Ford Motor адклікала 3 млн аўтамабіляў з-за магчымых дэфектаў падушак бяспекі Takata, паведамляе Reuters.
Па гэтай жа прычыне павінны быць адкліканы 5,8 тыс. аўтамабіляў японскага канцэрна Mazda. NHTSA ўжо адхіліла прашэнні абодвух вытворцаў аб адмене рашэння.
У лістападзе 2020 года аўтаканцэрн General Motors ужо адклікаў 5,9 млн аўтамабіляў з-за магчымай няспраўнасці ў рабоце падушак бяспекі, вырабленых японскай кампаніяй Takata.-0-
