1 верасня, Мінск /Кар. БЕЛТА/. Эвакуіраваным у Вялікабрытанію афганцам дазволяць бестэрмінова заставацца ў краіне, паведамляе ТАСС са спасылкай брытанскае Міністэрства ўнутраных спраў.
Усяго з 13 жніўня Лондан эвакуіраваў з Афганістана амаль 15 тыс. чалавек, з якіх прыкладна 8 тыс. - гэта афганцы, якія працавалі перакладчыкамі або супрацоўнічалі з брытанскімі ўладамі.
Раней меркавалася, што афганцы, якія дапамагалі ваеннаслужачым каралеўскіх Узброеных Сіл на працягу 20-гадовай місіі заходніх краін у рэспубліцы, атрымаюць права пражываць на тэрыторыі Вялікабрытаніі толькі на працягу 5 гадоў.
На гэты час кіраўнікі ўжо больш як 100 мясцовых саветаў у розных частках Вялікабрытаніі згадзіліся размясціць у сябе мігрантаў з Афганістана. У прыватнасці, МУС удакладніла: на бягучы момант для эвакуіраваных афганцаў удалося знайсці больш за 2 тыс. спальных месцаў. Акрамя таго, усім прыбыўшым з Кабула было прапанавана зрабіць прышчэпку ад каранавіруса: паводле апошніх даеных, амаль 700 афганцаў атрымалі першаю дозу вакцыны і выйшлі з абавязковага пасля прыезду ў Злучанае Каралеўства каранціну.
Брытанскі ўрад таксама ўзяў на сябе абавязацельства выдзеліць $16,5 млн на інтэграцыю ў мясцовыя адукацыйныя ўстановы афганскіх дзяцей, а таксама накіраваць $4,1 млн на забеспячэнне мігрантаў бясплатнымі медыцынскімі паслугамі і $6,8 млн - на падтрымку муніцыпалітэтаў, якія прымаюць у сябе афганцаў. Гэта праграма Кабміна атрымала афіцыйную назву "Цёплы прыём". Яна распаўсюджваецца выключна на тых афганцаў, якія супрацоўнічалі з ваеннаслужачымі і чыноўнікамі каралеўства падчас ваеннай місіі ў Афганістане.
Пасля прыходу да ўлады ў рэспубліцы баевікоў "Талібана" і ўзросшага патоку бежанцаў Лондан заявіў, што гатовы дадаткова прыняць 20 тыс. мігрантаў з Афганістана. Пры гэтым, як дадалі ў МУС Вялікабрытаніі, на працягу бліжэйшага года краіна зможа прыняць толькі 5 тыс. бежанцаў.-0-