25 кастрычніка, Ла-Пас /БЕЛТА - Прэнса Лаціна/. Дзеючы Прэзідэнт Балівіі Эва Маралес атрымаў перамогу ў першым туры прэзідэнцкіх выбараў, паведамляе Вышэйшы выбарчы суд рэспублікі.
У Эва Маралеса 47,07 працэнта галасоў, у яго бліжэйшага саперніка - экс-прэзідэнта Карласа Месы - 36,51 працэнта. Для перамогі ў першым туры кандыдату неабходна набраць больш за 50 працэнтаў галасоў або 40 працэнтаў пры ўмове, што адрыў ад яго бліжэйшага саперніка складзе не менш за 10 працэнтаў. Розніца паміж кандыдатамі - 10,56 працэнта, што выключае правядзенне другога тура галасавання і сведчыць аб перамозе Эва Маралеса.
У даных выбаркама адзначаецца, што падлічана 99,99 працэнта галасоў, да 100 працэнтаў не хапае чатырох актаў, якія былі ануляваны, але і яны не зменяць вынікі галасавання.
Сам дзеючы прэзідэнт краіны 24 кастрычніка ўжо аб'явіў аб сваёй перамозе на прэзідэнцкіх выбарах у першым туры. Пасля чаго ў краіне ўспыхнула чарговая хваля крытыкі і пратэстаў. У сераду Эва Маралес аб'явіў у Балівіі рэжым надзвычайнага становішча і абвінаваціў апазіцыю ў спробе арганізаваць дзяржаўны пераварот.-0-
