17 лістапада, Мінск /Кар. БЕЛТА/. Еўрасаюз выдзеліў мігрантам, што знаходзяцца на граніцы Польшчы і Беларусі, 700 тыс. еўра, з якіх 200 тыс. будуць размеркаваны праз беларускае аддзяленне Міжнароднага Чырвонага Крыжа. Аб гэтым гаворыцца ў распаўсюджанай сёння заяве Еўракамісіі, паведамляе ТАСС.
"Еўрапейская камісія выдзеліла на гуманітарныя патрэбы 200 тыс. еўра Міжнароднаму руху Чырвонага Крыжа і Чырвонага Паўмесяца. Гэтыя сродкі дадуць магчымасць беларускаму аддзяленню Чырвонага Крыжа накіраваць неабходную гуманітарную дапамогу, уключаючы прадукты, гігіенічныя сродкі, коўдры і аптэчкі першай дапамогі. Акрамя таго, Еўракамісія падрыхтавала яшчэ 500 тыс. еўра і падтрымлівае цяпер кантакты з міжнароднымі гуманітарнымі арганізацыямі ў пошуку шляхоў прымянення гэтых сродкаў", - адзначаецца ў тэксце.-0-
