Мабільная версія
ДЗЯРЖОРГАНЫ
Апошнія навіны
ІНФАГРАФІКА: Студэнты Беларусі
Учора 15:41 Стужка навiн
Усе навіны

Дзярждэп ЗША прыняў рашэнне аб увядзенні новых санкцый супраць РФ з-за справы Скрыпаляў

У свеце 09.08.2018 | 15:04
Фота AP
Фота AP

9 жніўня, Мінск /Кар. БЕЛТА/. Улады ЗША ўводзяць новыя санкцыі супраць Расіі з-за справы Скрыпаляў. Аб гэтым гаворыцца ў заяве Дзярждэпартамента, паведамляе ТАСС.

"Мы маем намер увесці санкцыі ў адносінах да Расійскай Федэрацыі па шэрагу напрамкаў, самым істотным з якіх з'яўляецца прэзумпцыя адмовы, што датычыцца пастаўкі Маскве ўсіх "адчувальных" тавараў і тэхналогій сферы нацыянальнай бяспекі, якая кантралюецца Міністэрствам гандлю ЗША ў адпаведнасці з правіламі экспартнага кантролю. На гэты момант выдача ліцэнзій на пастаўку гэтых тавараў разглядаецца ў кожным індывідуальным выпадку. А цяпер, пасля ўступлення санкцый у сілу, мы будзем зыходзіць з адмовы ад дазволу такіх паставак", - паведаміў прадстаўнік Дзярждэпартамента высокага рангу.

Дыпламат дадаў, што Вашынгтон мае намер зрабіць шэраг выключэнняў з рэжыму новых санкцый. Гэтыя выключэнні будуць датычыцца аказання "дапамогі Расіі і расійскаму народу", "дзейнасці, якая закранае палёты ў космас", а таксама забеспячэння "бяспекі палётаў камерцыйнай пасажырскай авіяцыі".

Адзначаецца, што абмежаванні ўступяць у сілу 22 жніўня.

Прадстаўнік Дзярждэпартамента таксама заявіў, што ЗША разлічваюць, што да ўвядзення другога пакета санкцый у адносінах да Расіі ў сувязі са справай Скрыпаляў не дойдзе. Ён дадаў, што ЗША прад'яўляюць Расіі шэраг умоў, якія яна павінна выканаць на працягу трох месяцаў пасля першага раўнда абмежаванняў.

Другая частка санкцый прадугледжвае, у прыватнасці, пагрозу паніжэння ўзроўню двухбаковых дыпламатычных адносін па ініцыятыве ЗША або нават іх поўнага прыпынення, фактычна поўную забарону любога экспарту ў Расію амерыканскіх тавараў за выключэннем прадуктаў харчавання, а таксама імпарту Злучанымі Штатамі расійскіх тавараў, уключаючы нафту і нафтапрадукты, пазбаўленне права на пасадку ў ЗША самалётаў любой авіякампаніі, якая кантралюецца ўрадам Расіі.

Дзярждэпартамент адмовіўся паведаміць на базе якіх звестак або разведданых былі зроблены адназначныя вывады адносна таго, што Расія мае дачыненне да атручэння ў брытанскім Солсберы экс-палкоўніка ГРУ Сяргея Скрыпаля і яго дачкі Юліі. "Я пакіну гэта пытанне, якое датычыцца нашага разумення сітуацыі са Скрыпалямі, іншым (членам адміністрацыі). Мы згодны з ацэнкай, якая заключаецца ў тым, што рэчыва "Навічок" і парушальнік былі з Расійскай Федэрацыі, аднак наконт таго, як мы разумеем гэту сітуацыю, адкажуць іншыя", - адказаў прадстаўнік Дзярждэпа.

Паводле версіі брытанскага боку, 4 сакавіка Скрыпалі падвергліся ў Солсберы ўздзеянню нервова-паралітычнага рэчыва сямейства "Навічок". Урад Вялікабрытаніі выступіў са сцвярджэннем, што Расія мае дачыненне да гэтага інцыдэнту.

Расійскі бок катэгарычна адмаўляе ўсе спекуляцыі наконт гэтага, адзначыўшы, што праграм распрацоўкі такога рэчыва ні ў СССР, ні ў РФ не існавала. Спецыялісты з брытанскай ваеннай хімлабараторыі так і не змаглі ўстанавіць паходжанне рэчыва, якім былі атручаны Скрыпалі.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Студэнты Беларусі Штогод 17 лістапада адзначаецца Міжнародны дзень студэнтаў - адно з самых папулярных маладзёжных свят. Агульная колькасць студэнтаў у ВНУ Беларусі складае каля 284 тыс. чалавек.