28 кастрычніка, Мінск /Кар. БЕЛТА/. Больш за 70 млн грамадзян ЗША прагаласавалі датэрмінова на маючых адбыцца ў лістападзе ўсеагульных выбарах. Падлікі апублікаваны 27 кастрычніка на партале United States Elections Project, створаным прафесарам Універсітэта штата Фларыда Майклам Макдональдам, інфармуе ТАСС.
Паведамляецца, што ўвогуле ў ЗША датэрмінова прагаласавалі ўжо 70 032 485 чалавек. Такім чынам, паводле даных партала, іх колькасць перасягнула палавіну ад агульнай колькасці выбаршчыкаў, якія ўдзельнічалі ва ўсеагульных выбарах 2016 года. Тады прагаласавалі датэрмінова і прыйшлі на ўчасткі ў дзень выбараў 138,8 млн чалавек. Усяго ў ЗША налічваецца каля 240 млн чалавек, маючых права голасу.
Штатам, які лідзіруе па колькасці датэрмінова прагаласаваўшых, застаецца Тэхас, дзе свой голас на выбарах аддалі ўжо 7 802 505 чалавек. Далей ідуць штаты Каліфорнія (7 402 302), Фларыда (6 440 993) і Паўночная Караліна (3 411 850). Колькасць тых, хто датэрмінова зрабіў свой выбар, перасягае 1 млн як мінімум у 19 штатах, у тым ліку ў Джорджыі, Вірджыніі, Ілінойсе, Агая, Пенсільваніі, Нью-Джэрсі, Вашынгтоне, Масачусетс, Нью-Ёрку.
3 лістапада на ўсеагульных выбарах у ЗША будуць выбраны прэзідэнт і віцэ-прэзідэнт, 35 сенатараў, усе 435 членаў Палаты прадстаўнікоў, 13 губернатараў штатаў і тэрыторый, а таксама мясцовыя органы ўлады. Барацьбу за пасаду прэзідэнта вядуць рэспубліканец Дональд Трамп і дэмакрат Джозеф Байдэн.-0-
