28 верасня, Баку /БЕЛТА-АЗЕРТАДЖ/. Кабінет міністраў Азербайджана пастанавіў прадоўжыць да 2 лістапада асаблівы каранцінны рэжым у краіне. Адпаведны дакумент апублікаваны 28 верасня на сайце ўрада.
"У мэтах прадухілення распаўсюджвання каранавіруснай інфекцыі ў краіне і яе магчымых наступстваў прадоўжыць асаблівы каранцінны рэжым на тэрыторыі Азербайджанскай Рэспублікі да 06.00 2 лістапада 2020 года", - гаворыцца ў пастанове.
Раней тэрмін дзеяння асаблівага каранціннага рэжыму быў устаноўлены да 30 верасня.
У Азербайджане зарэгістравана звыш 40 тыс. заражаных COVID-19, з моманту ўспышкі памерлі 588 чалавек. На гэты момант праходзяць лячэнне 1748 інфіцыраваных. Усяго з пачатку эпідэміі ў краіне праведзена больш за 1,1 млн тэстаў на COVID-19.-0-