13 ліпеня, Мінск /Кар. БЕЛТА/. У сталіцы Румыніі Бухарэсце некалькі соцень чалавек выйшлі вечарам 12 ліпеня на вуліцы, пратэстуючы супраць намеру ўлад зноў увесці ў краіне каранцінныя абмежаванні з-за пандэміі каранавіруса, паведамляе румынскі тэлеканал Digi 24.
Дэманстранты не выконвалі сацыяльную дыстанцыю і былі без ахоўных масак. Многія ўдзельнікі былі аштрафаваны паліцыяй за парушэнне мер па барацьбе з эпідэміяй.
Незадаволенасць пратэстантаў была выклікана тым, што ўрад планаваў аднавіць 13 ліпеня абмеркаванне законапраекта аб каранціне і ізаляцыі.
Паводле даных на 13 ліпеня, у Румыніі зарэгістравана 32 948 выпадкаў заражэння каранавірусам, памёр 1901 чалавек.-0-