11 кастрычніка, Мінск /Кар. БЕЛТА/. Камітэт Еўрапарламента (ЕП) па навакольным асяроддзі прагаласаваў за забарону на выкарыстанне ў Еўрасаюзе з 2021 года пэўных аднаразовых пластыкавых вырабаў, у прыватнасці, посуду. Аб гэтым паведамляе тэлеканал "МІР 24" са спасылкай на сайт ЕП.
Чакаецца, што забарона будзе распаўсюджвацца на аднаразовы посуд, сталовыя прыборы, саломінкі для напіткаў, ватныя палачкі, а таксама пластыкавыя мацаванні для паветраных шароў. Акрамя таго, плануецца абмежаваць выкарыстанне пластыкавых упаковак для ежы на вынас у кафэ.
На гэтыя вырабы прыпадае больш як 70 працэнтаў марскога смецця. Выкарыстанне некаторых іншых вырабаў у Еўрасаюзе, якім няма альтэрнатывы, прапануецца скараціць да 2025 года.
Ініцыятывы камітэта будуць вынесены на галасаванне пленарнай сесіі Еўрапарламента, якая адбудзецца 22-25 кастрычніка.-0-
