4 снежня, Мінск /Кар. БЕЛТА/. Пасля матчаў пятага тура групавога этапу футбольнай Лігі Еўропы месцы ў 1/16 фіналу забраніравалі сабе 18 клубаў, паведамляе карэспандэнт БЕЛТА.
У плэй-оф другога па рангу кантынентальнага турніру выйшлі англійскія "Арсенал" (Лондан), "Лестэр", "Тотэнхэм" (Лондан), іспанскія "Гранада", "Вільярэал", італьянскія "Мілан", "Рома", нямецкія "Баер" (Леверкузен), "Хофенхайм", партугальскія "Бенфіка" (Лісабон), "Брага", бельгійскі "Антверпен", нідэрландскі ПСВ (Эйндхавен), чэшская "Славія" (Прага), французскі "Ліль", шатландскі "Глазга Рэйнджэрс", сербская "Црвена Зорка" (Бялград) і харвацкае "Дынама" (Заграб).
Сярод тых, хто страціў шанцы прабіцца ў плэй-оф Лігі Еўропы, - маскоўскі ЦСКА, які трэніруе беларускі спецыяліст Віктар Ганчарэнка, украінская "Зара" з Луганска і азербайджанскі "Карабах" з Агдама.
Паядынкі заключнага тура групавога этапу Лігі Еўропы адбудуцца 10 снежня.
Што датычыцца галоўнага клубнага турніру Старога Свету - Лігі чэмпіёнаў, то пуцёўкі ў 1/8 фіналу ўжо заваявалі дзевяць каманд: англійскія "Ліверпуль", "Манчэстэр Сіці", "Чэлсі" (Лондан), нямецкія "Баварыя" (Мюнхен), "Барусія" (Дортмунд), іспанскія "Барселона", "Севілья", італьянскі "Ювентус" (Турын) і партугальскі "Порту". Астатнія сем удзельнікаў плэй-оф чэмпіёнскай Лігі стануць вядомы пасля сустрэч шостага тура групавога этапу, якія пройдуць 8 і 9 снежня.
Футбалісты "Краснадара", капітанам якога з'яўляецца беларускі абаронца Аляксандр Мартыновіч, занялі 3-е месца ў квартэце Е Лігі чэмпіёнаў і згуляюць у 1/16 Лігі Еўропы. Маскоўскі "Лакаматыў" з беларускім нападаючым Віталем Лісаковічам у складзе страціў шанцы на выхад у плэй-оф ЛЧ, але будзе змагацца за выхад у плэй-оф ЛЕ. Дзеючы чэмпіён Расіі "Зеніт" з Санкт-Пецярбурга зойме апошняе месца ў групе F Лігі чэмпіёнаў і завершыць еўракубкавы сезон.-0-
