29 красавіка, Мінск /Кар. БЕЛТА/. У розыгрышы Кубка Беларусі па футболе сярод жаночых каманд сталі вядомы склады чвэрцьфінальных пар, паведамляе карэспандэнт БЕЛТА.
Пераможцы двух апошніх кубкавых турніраў футбалісткі мінскага "Дынама-БДУФК" у барацьбе за выхад у фінал прымуць на сваім полі спартсменак "Віцебска". Фіналіст мінулага розыгрышу "Мінск" згуляе на сваёй арэне з "Гомелем". Таксама ў Мінску футбалісткі "Зоркі-БДУ" будуць сапернічаць з навічком вышэйшай лігі "Смаргонню". Спартсменкі "Бабруйчанкі" ў сябе дома сустрэнуцца з магілёўскім "Дняпром". Чвэрцьфінальныя матчы пройдуць 15 і 16 мая.
У вырашальным паядынку Кубка краіны 2021 года футбалісткі "Дынама-БДУФК" разграмілі "Мінск" з лікам 5:0, а год таму перамаглі гэтых жа саперніц толькі ў серыі пасляматчавых пенальці. Для падапечных Юрыя Малеева гэта былі першыя вікторыі ў кубкавых розыгрышах.
Футбалісткі "Бабруйчанкі" 10 разоў станавіліся ўладальніцамі Кубка Беларусі, у ФК "Мінск" восем трафеяў, магілёўская "Надзея" чатыры разы перамагала ў кубкавым турніры, па тры разы Кубкам валодалі спартсменкі "Зоркі-БДУ" і віцебскага "Універсітэта".-0-
