Фота з архіва
15 ліпеня, Мінск /Кар. БЕЛТА/. Пасля заканчэння групавога этапу жаночага чэмпіянату Еўропы па футболе ў Швейцарыі вызначыліся ўсе ўдзельнікі чвэрцьфінальнай стадыі, паведамляе карэспандэнт БЕЛТА.
У першым паядынку за выхад у паўфінал футбалісткі зборнай Нарвегіі заўтра ў Жэневе згуляюць з камандай Італіі. Пераможца гэтай сустрэчы будзе сапернічаць з пераможцай матчу паміж дзеючымі чэмпіёнкамі кантынента англічанкамі і шведкамі, якія сустрэнуцца 17 ліпеня ў Цюрыху. Гаспадыні турніру швейцаркі 18 ліпеня ў Берне згуляюць з іспанкамі, а 19 ліпеня ў Базелі сустрэнуцца зборныя Германіі і Францыі. Паўфінальныя баталіі пройдуць 22 і 23 ліпеня ў Жэневе і Цюрыху, а вырашальны паядынак за чэмпіёнскі тытул адбудзецца 27 ліпеня ў Базелі.
У фінальным матчы ЧЕ-2022 на лонданскім стадыёне "Уэмблі" ў прысутнасці больш як 87 тыс. гледачоў футбалісткі Англіі адолелі ў дадатковы час каманду Германіі з лікам 2:1, упершыню стаўшы чэмпіёнкамі кантынента. Больш за ўсіх еўрапейскае золата бралі нямецкія футбалісткі - восем разоў, у Нарвегіі два тытулы, па адным у актыве Англіі, Швецыі і Нідэрландаў.-0-
У першым паядынку за выхад у паўфінал футбалісткі зборнай Нарвегіі заўтра ў Жэневе згуляюць з камандай Італіі. Пераможца гэтай сустрэчы будзе сапернічаць з пераможцай матчу паміж дзеючымі чэмпіёнкамі кантынента англічанкамі і шведкамі, якія сустрэнуцца 17 ліпеня ў Цюрыху. Гаспадыні турніру швейцаркі 18 ліпеня ў Берне згуляюць з іспанкамі, а 19 ліпеня ў Базелі сустрэнуцца зборныя Германіі і Францыі. Паўфінальныя баталіі пройдуць 22 і 23 ліпеня ў Жэневе і Цюрыху, а вырашальны паядынак за чэмпіёнскі тытул адбудзецца 27 ліпеня ў Базелі.
У фінальным матчы ЧЕ-2022 на лонданскім стадыёне "Уэмблі" ў прысутнасці больш як 87 тыс. гледачоў футбалісткі Англіі адолелі ў дадатковы час каманду Германіі з лікам 2:1, упершыню стаўшы чэмпіёнкамі кантынента. Больш за ўсіх еўрапейскае золата бралі нямецкія футбалісткі - восем разоў, у Нарвегіі два тытулы, па адным у актыве Англіі, Швецыі і Нідэрландаў.-0-
Падпісвайцеся на нас у
