У Беларусі засеяна каля паловы плошчаў цукровых буракоў

13 красавіка, Мінск /Кар. БЕЛТА/. У Беларусі засеяна каля паловы плошчаў цукровых буракоў. Аб гэтым паведамілі БЕЛТА ў прэс-службе Мінсельгасхарча.

"Паводле аператыўных даных на 13 красавіка 2026 года, у краіне яравых культур усяго пасеяна на плошчы 639 тыс. га, што складае 28 працэнтаў ад агульнай плошчы пад сяўбу 2,295 млн га", - расказалі ў прэс-службе.

У разрэзе абласцей засеяна: у Брэсцкай - 138 тыс. га, што складае 33 працэнты ад планавых плошчаў, Віцебскай - 76 тыс. га (24 працэнты ад плана), Гомельскай - 100 тыс. га (25 працэнтаў ад плана), Гродзенскай - 129 тыс. га (39 працэнтаў ад плана), Мінскай - 113 тыс. га (23 працэнты ад плана), Магілёўскай - 83 тыс. га (25 працэнтаў ад плана).

Сяўба лёну-даўгунцу ажыццёўлена ва ўсіх абласцях на плошчы 22 тыс. га, што складае 45 працэнтаў ад плана 50 тыс. га.

Цукровыя буракі пасеяны на плошчы больш як 53 тыс. га, што складае 49 працэнтаў ад планавых плошчаў 106 тыс. га.

Закрыццё вільгаці праведзена на плошчы 1,21 млн га, што складае 88 працэнтаў ад плана 1,375 млн га.

Мінеральных угнаенняў (азотных, фосфарных, калійных) пад яравую сяўбу 2026 года назапашана 713 тыс. т дзеючага рэчыва, што складае 85 працэнтаў ад плана.

Арганічных угнаенняў пад яравую сяўбу ўнесена 31 млн т, што складае 63 працэнты ад вывезенага.-0-