29 ліпеня, Мінск /Кар. БЕЛТА/. Тры ігракі барысаўскага БАТЭ ўключаны ў сімвалічную зборную 19-га тура футбольнага чэмпіянату Беларусі, паведамляе карэспандэнт БЕЛТА.
Капітан барысаўскай дружыны паўабаронца Ігар Стасевіч ужо шосты раз у сезоне трапіў у зборную. Ён жа прызнаны лепшым іграком мінулага тура. Паўабаронца БАТЭ Станіслаў Драгун чацвёрты раз уключаны ў каманду тура, нападаючы Максім Скавыш - упершыню. У ёй яшчэ па два прадстаўнікі салігорскага "Шахцёра" - Джасурбек Яхшыбоеў і Нікола Анціч, "Іслачы" - Мікалай Януш і Ягор Хаткевіч, жодзінскага "Тарпеда-БелАЗа" - Кірыл Прамудраў і Віталь Усцінаў. Таксама ў сімвалічную зборную ўвайшлі Міха Гарапеўшак ("Дынама", Мінск) і Дыега Сантас ("Віцебск").
Турнірную табліцу цяпер узначальваюць салігорскі "Шахцёр" і БАТЭ, якія набралі па 37 ачкоў у 19 гульнях, у "Нёмана" на тры балы менш у 18 праведзеных сустрэчах.
Матчы 20-га тура пройдуць 31 ліпеня - 2 жніўня.-0-
