29 красавіка, Мінск /Кар. БЕЛТА/. Нацыянальная хакейная ліга прадоўжыла трансфернае пагадненне з Беларуссю. Інфармацыя аб гэтым размешчана на афіцыйным сайце Федэрацыі хакея Беларусі, паведамляе карэспандэнт БЕЛТА.
Дакумент рэгламентуе парадак кампенсацый за пераезд ігракоў у Паўночную Амерыку. Акрамя Беларусі дамоўленасць дзейнічае з федэрацыямі і лігамі Аўстрыі, Чэхіі, Даніі, Фінляндыі, Францыі, Германіі, Латвіі, Нарвегіі, Славакіі, Швецыі і Вялікабрытаніі. На адзін год заключаны кантракт са швейцарскай лігай і на год прадоўжана пагадненне з канадскімі мінорнымі лігамі.
Сезон-2020/21 Нацыянальнай хакейнай лігі можа стартаваць у лістападзе. Традыцыйна спаборніцкі год у самай прэстыжнай хакейнай лізе стартуе ў пачатку кастрычніка.-0-
