14 лютага, Пекін /Кар. БЕЛТА/. Спартсмены зборнай Нарвегіі па-ранейшаму ўзначальваюць медальны залік XXIV зімовых Алімпійскіх гульняў. У скарбонцы беларускай каманды два сярэбраныя медалі, паведамляе карэспандэнт БЕЛТА.
Другую ўзнагароду алімпійскай зборнай Беларусі сёння прынесла чэмпіёнка АГ-2018 Ганна Гуськова. У фінале жаночых спаборніцтваў па лыжнай акрабатыцы 29-гадовая мінчанка заваявала серабро, уступіўшы толькі кітаянцы Сюй Мэнтаа. Раней сярэбраным прызёрам пекінскіх Гульняў стаў біятланіст Антон Смольскі, які заняў другое месца ў індывідуальнай гонцы. Цяпер каманда Беларусі з дзвюма сярэбранымі ўзнагародамі займае 22-е месца ў медальным заліку.
Лідзіруюць нарвежцы - 21 узнагарода (9, 5, 7). Другой ідзе каманда Германіі - 15 медалёў (8, 5, 2), трэцяе месца займаюць спартсмены ЗША - 16 (7, 6, 3). На алімпійскі п'едэстал ужо паднімаліся прадстаўнікі 26 краін.
Усяго сёння было разыграна 4 камплекты ўзнагарод.
Фрыстайл. Жанчыны. Акрабатыка
1. Сюй Мэнтаа (Кітай),
2. Ганна Гуськова (Беларусь),
3. Меган Нік (ЗША).
Фігурнае катанне. Танцавальныя дуэты
1. Габрыэла Пападакіс / Гіём Сізерон (Францыя),
2. Вікторыя Сініцына / Мікіта Кацалапаў (Расія),
3. Мэдысан Хабел / Закары Донах'ю (ЗША).
Бабслей. Жанчыны. Манабоб
1. Кейлі Хамфрыс (ЗША),
2. Элана Маерс-Тэйлар (ЗША),
3. Крысцін дэ Бруін (Канада).
Скачкі з трампліна. Мужчыны. Каманды
1. Аўстрыя,
2. Славенія,
3. Германія.-0-
