15 лістапада, Мінск /Кар. БЕЛТА/. Баскетбалісты "Цмокi-Мiнск" атрымалі перамогу над балгарскім "Балканам" у дамашнім матчы першага групавога этапу Кубка ФІБА-Еўропа, паведамляе карэспандэнт БЕЛТА.
Сустрэчу на паркеце сталічнага Палаца спорту 14 лістапада "драконы" пачалі вельмі актыўна, выйграўшы першую чвэрць з розніцай 12 ачкоў. Гэты разрыў падапечныя Аляксандра Круцікава захавалі і да вялікага перапынку. Пасля яго гаспадары прадаўжалі кантраляваць ход гульні і ў выніку выйгралі з лікам 84:73 (24:12, 18:18, 29:23, 13:20). Самым рэзультатыўным у складзе пераможцаў стаў Стэфан Мудзі, які набраў 31 ачко.
У першым крузе спаборніцтваў "Цмокi" ўступілі "Балкану" з рэзультатам 81:95. Акрамя таго, чэмпіёны Беларусі абмяняліся перамогамі з бельскім клубам "Монс-Эно" - 89:82 (дома) і 79:86 (у гасцях), а таксама перамаглі на сваёй арэне кіпрскі АЕК з лікам 87:75.
Свой апошні паядынак першага групавога этапу мінчане правядуць 21 лістапада ў Ларнацы супраць АЕКа. Становішча каманд цяпер такое: "Балкан" - 8 ачкоў (5 матчаў), "Цмокi" - 8 (5), "Балкан" - АЕК - 6 (4) "Монс-Эно" - 5 (4). Кіпрыёты 14 лістапада прымалі бельгійцаў.
Да паездкі ў Ларнаку "Цмокi" 18 лістапада ў Маскве правядуць свой 7-ы пыядынак Адзінай лігі ВТБ супраць дзеючага чэмпіёна ЦСКА. У шасці папярэдніх сустрэчах "драконы" атрымалі адну вікторыю, перамогшы на выездзе саратаўскі "Аўтадар". Маскоўскія армейцы выйгралі ўсе 7 сваіх паядынкаў "банкаўскага" турніру.-0-