9 снежня, Мінск /Кар. БЕЛТА/. Аргкамітэт XXIV зімовых Алімпійскіх гульняў у Пекіне падрыхтаваў грунтоўны план для правядзення стартаў у час пандэміі. Аб гэтым заявіў, падводзячы вынікі выканкама МАК, выканаўчы дырэктар Алімпійскіх гульняў МАК Крыстоф Дубі, паведамілі БЕЛТА ў прэс-службе НАК.
"Арганізацыйны камітэт маючых адбыцца Гульняў разглядае розныя сцэнарыі і падрыхтаваў грунтоўны план для правядзення Алімпіяды з захаваннем усіх мер бяспекі. МАК уважліва сочыць за тым, каб арганізатары былі гатовы да любога развіцця падзей. Ёсць выдатны план правядзення, і гэта добры знак", - сказаў Крыстоф Дубі.
На выканкаме МАК зацверджана палажэнне аб непрадбачаных абставінах на Алімпійскіх зімовых гульнях у Пекіне. Як сцвярджаецца, ніводны спартсмен або каманда не павінны быць дыскваліфікаваны з-за станоўчага тэста на каранавірус. Замест гэтага ў пратаколах будзе стаяць адзнака "не стартаваў (DNS)" або эквівалентнае абазначэнне для канкрэтнай дысцыпліны. Калі алімпійцы не змогуць прадоўжыць спаборніцтвы з-за заражэння каранавірусам, іх бягучыя вынікі будуць зафіксаваны і не падлягаюць ануляванню. Па магчымасці арганізатары будуць замяняць атлетаў або каманды, якія выбылі па прычыне хваробы.
Выканкам МАК таксама адобрыў увядзенне пасады другога намесніка старшыні камісіі атлетаў, выбары на гэту пасаду адбудуцца ў лютым 2022 года.
XXIV зімовыя Алімпійскія гульні пройдуць у Пекіне з 4 па 20 лютага 2022 года.-0-
