Фота з архіва
27 снежня, Мінск /Кар. БЕЛТА/. Хакеісты мінскага "Дынама" сёння правядуць другі матч пераднавагодняй дамашняй серыі ў рэгулярным чэмпіянаце Кантынентальнай хакейнай лігі, паведамляе карэспандэнт БЕЛТА.
У пятніцу процістаяць падапечным Дзмітрыя Квартальнава будзе маскоўскае "Дынама". Цяпер мінчане праводзяць свой лепшы адрэзак у сезоне: у нашай каманды серыя з пяці матчаў з набранымі ачкамі, у якую ўвайшлі чатыры вікторыі і адно паражэнне ў авертайме. Дамашнюю серыю "зубры" пачалі з перамогі над адным з лідараў Усходняй канферэнцыі "Ак Барсам" (5:1). Мінскі клуб з 45 ачкамі ідзе на 7-м месцы ў табліцы Захаду, у "Дынама" з Масквы на чатыры балы больш і 4-я пазіцыя. Пасля міжнароднай паўзы масквічы выглядаюць не вельмі здорава: усяго адна перамога ў чатырох гульнях, у дзвюх з якіх дынамаўцы выходзілі з лёду без закінутых шайбаў.
У цяперашнім рэгулярным чэмпіянаце перавага ў вочных сустрэчах пакуль у прадстаўнікоў сталіцы Расіі: каманды гулялі паміж сабой двойчы і абодва разы поспех святкавалі масквічы (6:3 дома і 4:3 на выездзе). Папярэдні паядынак сапернікаў 22 лістапада стаў для мінскага "Дынама" тысячным за ўвесь час выступленняў у КХЛ - па ходзе сустрэчы "зубры" вялі з лікам 3:0, але прайгралі. Трэцяе дынамаўскае дэрбі ў бягучым сезоне стартуе на "Мінск-Арэне" ў 19.10.-0-
У пятніцу процістаяць падапечным Дзмітрыя Квартальнава будзе маскоўскае "Дынама". Цяпер мінчане праводзяць свой лепшы адрэзак у сезоне: у нашай каманды серыя з пяці матчаў з набранымі ачкамі, у якую ўвайшлі чатыры вікторыі і адно паражэнне ў авертайме. Дамашнюю серыю "зубры" пачалі з перамогі над адным з лідараў Усходняй канферэнцыі "Ак Барсам" (5:1). Мінскі клуб з 45 ачкамі ідзе на 7-м месцы ў табліцы Захаду, у "Дынама" з Масквы на чатыры балы больш і 4-я пазіцыя. Пасля міжнароднай паўзы масквічы выглядаюць не вельмі здорава: усяго адна перамога ў чатырох гульнях, у дзвюх з якіх дынамаўцы выходзілі з лёду без закінутых шайбаў.
У цяперашнім рэгулярным чэмпіянаце перавага ў вочных сустрэчах пакуль у прадстаўнікоў сталіцы Расіі: каманды гулялі паміж сабой двойчы і абодва разы поспех святкавалі масквічы (6:3 дома і 4:3 на выездзе). Папярэдні паядынак сапернікаў 22 лістапада стаў для мінскага "Дынама" тысячным за ўвесь час выступленняў у КХЛ - па ходзе сустрэчы "зубры" вялі з лікам 3:0, але прайгралі. Трэцяе дынамаўскае дэрбі ў бягучым сезоне стартуе на "Мінск-Арэне" ў 19.10.-0-
Падпісвайцеся на нас у
