Сцяг Субота, 15 лютага 2025
Усе навіны
Усе навіны
Грамадства
27 снежня 2024, 19:07

Доўгатэрміновыя наглядальнікі ад СНД правялі маніторынг фарміравання ў Мінску ўчастковых камісій

Фота Выканаўчага камітэта СНД
Фота Выканаўчага камітэта СНД
27 снежня, Мінск /Кар. БЕЛТА/. Прадстаўнікі Місіі наглядальнікаў ад СНД правялі маніторынг фарміравання ўчастковых камісій па выбарах Прэзідэнта Рэспублікі Беларусь у горадзе Мінску. Аб гэтым БЕЛТА паведамілі ў прэс-службе Выканаўчага камітэта СНД.

У прыватнасці, доўгатэрміновыя наглядальнікі ад Садружнасці прысутнічалі на пасяджэннях адміністрацый Кастрычніцкага, Ленінскага і Партызанскага раёнаў сталіцы, на якіх быў зацверджаны персанальны склад участковых камісій на кожным участку галасавання. На пасяджэннях таксама прысутнічалі прадстаўнікі палітычных партый, грамадскіх аб'яднанняў, працоўных калектываў, якія вылучылі сваіх прадстаўнікоў у склад участковых камісій.

На сённяшні дзень у Цэнтральную выбарчую камісію Рэспублікі Беларусь пададзена каля 100 заявак на акрэдытацыю наглядальнікаў у склад Місіі СНД. Гэта прадстаўнікі Азербайджана, Казахстана, Расіі і Туркменістана, Міжпарламенцкай асамблеі дзяржаў - удзельніц СНД, Парламенцкага сходу Саюза Беларусі і Расіі, Выканаўчага камітэта СНД.

Усяго ў склад Місіі наглядальнікаў ад СНД плануецца акрэдытаваць каля 200 чалавек.-0-
Падпісвайцеся на нас у
X
Топ-навіны
Свежыя навіны Беларусі