Сцяг Аўторак, 11 лютага 2025
Усе навіны
Усе навіны
Грамадства
27 снежня 2024, 15:22

Кубракоў: МУС гатова разгледзець любыя напрамкі супрацоўніцтва з іракскімі калегамі

Фота МУС
Фота МУС
27 снежня, Мінск /Кар. БЕЛТА/. МУС Беларусі адкрыта для дыялогу і гатова разгледзець любыя напрамкі ўзаемавыгаднага супрацоўніцтва з іракскімі праваахоўнікамі. Аб гэтым заявіў міністр унутраных спраў Іван Кубракоў на сустрэчы з іракскім калегам Абдул Амірам Аль-Шамары, паведамілі БЕЛТА ў МУС.

Дэлегацыя МУС Ірака прыбыла ў Беларусь для абмеркавання стану і перспектыў двухбаковага супрацоўніцтва, вывучэння пытанняў забеспячэння грамадскага парадку пры правядзенні масавых мерапрыемстваў, аспектаў аховы дзяржаўнай граніцы, арганізацыі навучання іракскіх спецыялістаў у Акадэміі МУС нашай краіны.

Іван Кубракоў запэўніў калег, што беларускія праваахоўнікі адкрыты для дыялогу і гатовы разгледзець любыя напрамкі ўзаемавыгаднага супрацоўніцтва. У час папярэдніх візітаў іракскі бок выказваў зацікаўленасць у вывучэнні беларускага вопыту аховы грамадскага парадку, прымянення БПЛА, а таксама да прадукцыі, выпускаемай айчыннымі вытворцамі для праваахоўнікаў.

Міністр унутраных спраў Беларусі выказаў упэўненасць, што гэта сустрэча дазволіць напоўніць практычным складнікам дасягнутыя раней дамоўленасці і вывесці двухбаковае партнёрства на больш высокі ўзровень. Прапанавана актывізаваць падрыхтоўку пагадненняў, якія датычацца перадачы асоб, асуджаных да пазбаўлення волі, узаемадзеяння ў сферы барацьбы са злачыннасцю. Яшчэ адным перспектыўным напрамкам можа стаць абучэнне іракскіх паліцэйскіх на базе нашых ведамасных устаноў адукацыі. У МУС Беларусі назапашаны багаты вопыт падрыхтоўкі замежных супрацоўнікаў спецпадраздзяленняў, спецыялістаў у сферы процідзеяння кіберзлачынствам, кіналагічнай службы і многіх іншых.

Міністр унутраных спраў Ірака падзякаваў беларускаму калегу за цёплы прыём, гатоўнасць дзяліцца напрацоўкамі, а таксама агучыў шэраг прапаноў, накіраваных на развіццё партнёрства. У прыватнасці, у барацьбе з нарказлачыннасцю. Кіраўнік праваахоўнага ведамства Ірака таксама запрасіў Івана Кубракова наведаць Багдад.

Замежная дэлегацыя азнаёмілася з матэрыяльна-тэхнічнай базай ведамаснай установы адукацыі, тэхнікай і ўзбраеннем унутраных войскаў, СПБТ "Алмаз" і сталічнага АМАПа. Супрацоўнікі спецпадраздзяленняў ведамства прадэманстравалі замежным калегам сваё майстэрства.-0-

Падпісвайцеся на нас у
X
Топ-навіны
Свежыя навіны Беларусі