ДЗЯРЖОРГАНЫДЗЯРЖОРГАНЫ
Флаг Чацвер, 26 мая 2022
Мінск +11°C
Усе навіны
Усе навіны
Спорт
21 снежня 2021, 09:04

Гульні краін СНД у 2023 годзе пройдуць у Беларусі

Фота Выканкама СНД
Фота Выканкама СНД

21 снежня, Мінск /Кар. БЕЛТА/. Савет па фізічнай культуры і спорце ўдзельнікаў Пагаднення аб супрацоўніцтве ў галіне фізічнай культуры і спорту дзяржаў - удзельніц СНД вызначыў Беларусь месцам правядзення Другіх Гульняў краін СНД у 2023 годзе. Аб гэтым БЕЛТА паведамілі ў прэс-службе Выканкама СНД.

Месцам правядзення ІІІ Гульняў у 2025 годзе стане Азербайджан.

У пасяджэнні савета, якое адбылося ў фармаце відэаканферэнцыі, прынялі ўдзел прадстаўнікі Беларусі, Азербайджана, Арменіі, Казахстана, Кыргызстана, Расіі, Таджыкістана, Узбекістана і Выканаўчага камітэта СНД. Яны абмеркавалі актуальныя пытанні спартыўнага супрацоўніцтва на пляцоўцы Садружнасці. У прыватнасці, разгледжана пытанне аб правядзенні чэмпіянатаў, пяршынстваў і кубкаў СНД па асобных відах спорту. Цяпер існуе практыка правядзення ў дзяржавах СНД спартыўных спаборніцтваў пад эгідай Садружнасці, але адсутнічае адзіны парадак прадастаўлення права правядзення такіх спаборніцтваў, патрабаванняў да іх арганізатараў і ўмоў правядзення. На пасяджэнні вырашана даручыць рабочай групе па падрыхтоўцы і правядзенні Гульняў краін СНД распрацаваць да 1 чэрвеня 2022 года праект палажэння аб чэмпіянатах (пяршынствах, кубках) СНД па відах спорту.

Акрамя таго, зацверджаны план работы Савета па фізічнай культуры і спорце ўдзельнікаў Пагаднення аб супрацоўніцтве ў галіне фізічнай культуры і спорту дзяржаў - удзельніц СНД на наступны год, а таксама заслухана інфармацыя аб падрыхтоўцы чарговага пасяджэння савета, якое адбудзецца ў Ташкенце ў 2022 годзе.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі