20 лістапада, Мінск /Кар. БЕЛТА/. Сярэбраны медаліст чэмпіянату Беларусі па хакеі клуб "Нёман" падаў заяўку на правядзенне суперфіналу Кантынентальнага кубка IIHF, такая інфармацыя змешчана на афіцыйным акаўнце гродзенскага клуба ў сацыяльных сетках.
Турнір, прымаючы бок якога яшчэ не вызначаны, намечаны на 10-12 студзеня 2020 года. У ліку прэтэндэнтаў на ганаровы трафей польская "Краковія", дацкі "Сендэруске" і брытанскі "Нотынгем". Рашэнне аб месцы правядзення турніру будзе прынята ў першых чыслах снежня.
Кантынентальны кубак па хакеі з шайбай - штогадовае спартыўнае спаборніцтва, якое праводзіцца з 1997 года пад эгідай IIHF. Турнір з'яўляецца наследнікам Кубка Федэрацыі, які разыгрываўся ў 1995-1997 гадах. Беларускія клубы выйгравалі Кантынентальны кубак чатыры разы. Гродзенскі "Нёман" станавіўся ўладальнікам трафея ў сезоне-2014-2015. Яшчэ тройчы трыумфатарам станавілася мінскае "Юнацтва", якое з'яўляецца рэкардсменам турніру па колькасці перамог.-0-
