26 лістапада, Мінск /Кар. БЕЛТА/. Беларускія гандбольныя клубы даведаліся пра сапернікаў у розыгрышы Кубка ЕГФ, паведамляе карэспандэнт БЕЛТА.
У 1/8 фіналу жаночага турніру брэсцкі клуб "Бярэсце" двойчы сустрэнецца з украінскай "Галычанкай" з Львова. Першы матч за выхад у чвэрцьфінал павінен адбыцца ў Брэсце 9 або 10 студзеня, у адказ - 16 або 17 студзеня ў Львове. У 1/16 фіналу "Бярэсце" адолеў па суме дзвюх сустрэч косаўскі "Істогу" (30:33 і 32:28), а "Галычанка" двойчы абыграла паўночнамакедонскую каманду "Куманава" (33:17 і 31:26).
У 1/16 фіналу мужчынскіх спаборніцтваў гандбалісты магілёўскага клуба "Машэка" таксама ў пачатку студзеня 2021 года сустрэнуцца з расійскім "Саратавам".-0-