13 мая, Мінск /Кар. БЕЛТА/. У Нацыянальным алімпійскім камітэце сёння прайшла справаздачна-выбарная канферэнцыя Беларускай федэрацыі плавання (БФП), паведамляе карэспандэнт БЕЛТА.
Кіраўніком грамадскага аб'яднання перавыбрана намеснік міністра па падатках і зборах Эла Сяліцкая. Дэлегаты канферэнцыі аднагалосна падтрымалі яе кандыдатуру.
Эла Сяліцкая раней займалася плаваннем, выканаўшы нарматыў майстра спорту СССР, а ў 2017 годзе змяніла на пасадзе старшыні Анатоля Тозіка, які ўзначальваў БФП з 2012 года.
Таксама былі выбраны намеснікі кіраўніка федэрацыі. Імі сталі Сяргей Хажэмпа і Ганна Капачэня.
Па выніках галасавання таксама быў выбраны новы прэзідыум БФП, у склад якога ўвайшлі 25 чалавек і рэвізійная камісія.-0-